Овој вебинар е наменет за воспитно негователскиот кадар и членовите на стручните служби и менаџментот во градинките. Вебинарот опфаќа насоки за креирање на инклузивни тимови, нивното значење, улогата и влијанието при креирање инклузивна клима во градинките.

За предавачите:

м-р Радмила Стојковска-Алексова работи на позицијата раководителка на „Центарот за асистивна технологија“. Во нејзината професионална биографија регистрирани се бројни услуги за деца со попреченост и нивните семејства. Стојковска-Алексова е специјална едукаторка и рехабилитаторка која има долгогодишно искуство во раководење со проекти поврзани со инклузија, креирање стратегии, политики и документи кои го покриваат прашањата на инклузијата во образованието.

м-р Марија Велиновска-Велковска е специјален едукатор-соработник на проекти при здружението за асистивна технологија „Отворете ги прозорците“ од Скопје. Велиновска-Велковска има богато искуство во  давање индивидуална поддршка на лица со различна попреченост, поддршка на воспитувачие, наставниците и  семејствата. Искуството од работата во центарот го пренесува во креирање и реализирање проекти и обуки од областа на асистивна технологија и инклузивното образование. Воедно, искуството го пренесува и на експертски групи кои работат на развој на пристапен едукативен софтвер.