Содржината на овој вебинар ќе им овозможи на слушателите да стекнат знаења за поимот предизвикувачко однесување, да ги разберат причините за неговата појава, како и да се запознаат со одредени превентивни стратегии и интервенции за справување со предизвикувачкото однесување.

За предавачот:

Марија Делетиќ е специјален едукатор и рехабилитатор. Во моментот ја извршува функцијата директор на ОУРЦ „д-р Златан Сремец“ од Скопје. Покрај искуството како наставник-специјален едукатор во посебно училиште за ученици со интелектуална попреченост и аутизам, Делетиќ поседува и долгогодишно искуство како обучувач во формалното и неформалното образование. Како соработник била вклучена во развивање наставни програми и креирање образовни политики. Во рамките на неформалното образование добитник е на повеќе меѓународни сертификати. Делетиќ учествувала во изготвување на програмски и системски документи од сферата на образованието како што се: стратегии, концепции, методологии, стандарди, критериуми, законски и подзаконски акти.